गुहागर मधील त्या शिक्षक व कुटुंबाचा संपर्क झाला, गोंदवलेकर मठात सापडले

गुहागर येथे शिक्षक म्हणून कार्यरत असलेले ज्ञानेश्वर काळूराम चव्हाण हे आपल्या पत्नी आणि दोन मुलांसह मूळ गावी हिंगोली येथे गणपती सण साठी मंगळवारी (२६ ऑगस्ट) निघाले असताना अचानक बेपत्ता झाल्याची घटना समोर आली होती.
त्यानंतर सारी यंत्रणा कामाला लागली होती अखेर या शिक्षक कुटुंबाचा शोध लागला असून ते गोंदवलेकर येथील मठात असल्याचे समजले त्यांनी नातेवाईकांशी संपर्क केला असून ते सुखरूप असल्याचे दिसून येत आहे. सातारा येथील ग्रामस्थ गुहागर पोलिस आणि त्यांच्या मित्र परिवाराला यश आले आहे.तीन दिवसांच्या प्रतिक्षेनंतर अखेर आज (२८ ऑगस्ट) त्यांच्याशी संपर्क झाला आहे. कुटुंब सुरक्षित असल्याचे समजले असून, गावकऱ्यांसह नातेवाईकांनी दिलासा व्यक्त केला आहे. सातारा गोंदवले येथील गोंदवलेकर महाराजांच्या मठात असल्याचे कळत आहे