संगमेश्वर परिसरात मुसळधार पाऊस नदीकाठची तीन दुकाने जमीन खचल्याने खाली कोसळली, जीवितहानी नाही
संगमेश्वर परिसरात मुसळधार पाऊस कोसळत असून नदीकाठची तीन दुकाने जमीन खचल्याने खाली आल्याचा प्रकार घडला आहे
संगमेश्वर-देवरुख मार्गावर आज संगमेश्वर बस स्थानकाजवळ असलेल्या तीन दुकानांचा नदीकाठचा भाग मुसळधार पावसामुळे खाली कोसळला त्यामुळे ३ दुकानांचे मोठे नुकसान झाले आहे. या दुर्घटनेत सुमारे ३ लाख रुपयांचे नुकसान झाल्याचा प्राथमिक अंदाज व्यक्त करण्यात आला आहे. यामुळे व्यावसायिकांचे मोठे आर्थिक नुकसान झाले असून, प्रशासनाने तातडीने पंचनामा करून मदत करण्याची मागणी स्थानिक व्यापाऱ्यांकडून होत आहे.
गेले काही दिवस सुरू असलेल्या संततधार पावसामुळे संगमेश्वर येथील सोनवी नदी दुथडी भरून वाहत आहे. याच पावसामुळे नदीकाठच्या जमिनीची धूप होऊन ती खचली, परिणामी आज सकाळी संगमेश्वर बस स्थानकाजवळील तीन दुकाने नदीच्या दिशेने कोसळली.
