दरड कोसळल्यामुळे सकाळपासून बंद असलेली आंबा घाटातील वाहतूक पूर्ववत करण्यात प्रशासनाला यश
सतत पडणाऱ्या पावसामुळे रत्नागिरी-कोल्हापूर मार्गावर संगमेश्वर तालुक्यात दख्खनजवळ दरड कोसळल्यामुळे वाहतूक बंद होती. महामार्गाचे काम करणारी ठेकेदार कंपनी, तसेच पोलीस आणि प्रशासकीय यंत्रणेने युद्धपातळीवर काम करून वाहतूक नुकतीच पुन्हा सुरू केली आहे.
आज सकाळी दरड कोसळून या मार्गावरील वाहतूक ठप्प झाली होती. दोन्ही बाजूंनी पाच यंत्राच्या सहाय्याने दरड बाजूला करण्याचे काम सुरू युद्ध पातळीवर सुरू होते; मात्र सतत कोसळणाऱ्या पावसामुळे दरड बाजूला हटविण्याच्या कामात अडथळा येत होता.
महामार्गाच्या रुंदीकरणासाठी डोंगर कटाई करण्यात आल्यामुळे राहिलेल्या डोंगराचा भाग पावसाबरोबर कोसळत आहे. काही वेळापूर्वीच या भागातील दरड दूर करण्यात आली असून मार्ग वाहतुकीसाठी मोकळा करण्यात आला आहे. यामुळे दोन्ही बाजूने वाहनाची कोंडी झाली होती
