ज्येष्ठ अभ्यासक डॉ. अजित वर्तक यांनी दिले लोटिस्माला साडेसहा हजार कोटी वर्षापूर्वीचे जीवाश्म भेट

भूविज्ञानातील पुराजीवाश्मशास्त्र विषयाचे पुणे येथील ज्येष्ठ अभ्यासक डॉ. अजित वर्तक यांनी साडेसहा हजार कोटी वर्षापूर्वीचे दुर्मीळ जीवाश्म नमुने येथील लोकमान्य टिळक स्मारक वाचनालयाच्या वस्तू संग्रहालयाला भेट दिले. मंगळवारी चिपळूणमध्ये झालेल्या एका छोटेखानी कार्यक्रमात हे नमुने वाचनालयाचे मार्गदर्शक व इतिहास संशोधक प्रकाश देशपांडे यांच्याकडे सुपूर्द करण्यात आले.
डॉ. वर्तक पुण्याहून चिपळूणला एका खास कार्यक्रमासाठी आले होते यावेळी त्यांनी वाचनालयातील तैलचित्र दालन व वस्तू संग्रहालयाला भेट देत समुद्राच्या अधःस्तरातून सापडलेले दुर्मिळ जीवाश्म नमुने कायमस्वरूपी संग्रहीत करण्यासाठी दिले. हे जीवाश्म तामिळनाडूतील क्रिचनापल्ली परिसरातील अरीअलूर भागात सापडले आहेत. या भागात पूर्वी समुद्र असल्याने आणि नंतर तो मागे हटल्याने येथे मोठ्या प्रमाणात खाणीमध्ये प्राची समुद्री जीवांचे जीवाश्म आढळतात. डॉ. वर्तक यांनी याच विषयावर अमोनाईट या खनिजाच्या अभ्यासासह पीएचडी केली आहे.www.konkantoday.com