ऑप्टीकल दुकानातील रोकड पळविणाऱ्यास अटक.
रत्नागिरी शहरातील मारुती मंदिर-मजगाव रोड येथील ऑप्टीकल दुकानातून रोकड लंपास करणाऱ्या संशयितास शहर पोलिसांनी अटक केली. न्यायालयाने न्यायालयीन कोठडी सुनावली आहे. विठ्ठल घोडके असे संशयिताचे नाव आहे. ही घटना सोमवारी (ता. ७) सायंकाळी चारच्या सुमारास य़श ऑप्टीकल दुकानात घडली होती. पोलिसांकडून मिळालेल्या माहितीनुसार संशयित घोडके याने दुकानातील दहा हजाराची रोकड पळविली होती. या प्रकरणी फिर्यादी पंकज सुर्वे यांनी शहर पोलिस ठाण्यात तक्रार दिली.
