गणपतीपुळे मंदिरात अंगारकी निमित्त मालगुंड आरोग्य पथकाची उत्तम कामगिरी
गणपतीपुळे (प्रतिनिधी) – अंगारकी चतुर्थी निमित्त गणपतीपुळे मंदिरात भाविकांची नेहमीच मोठ्या प्रमाणावर गर्दी होते सांगल, कोल्हापूर, पुणे, आणि घाट माथ्यावर गणेश भक्त गर्दी करत असताना आरोग्य विभागाच्या पथकाने दिवसभर उत्कृष्ट सेवा बजावली. मंदिर परिसरात आलेल्या भाविकांच्या आरोग्य तपासणीसह आवश्यक औषधोपचार तत्परतेने करण्यात आले.
अचानक तब्येत बिघडलेल्या काही भाविकांना तात्काळ प्राथमिक उपचार देऊन सुरक्षित केले. उष्माघात, डोकेदुखी, थकवा, तसेच लहान-मोठ्या दुखापतीवर त्वरित उपचार उपलब्ध करून देण्यात आले. आरोग्य पथकातील कर्मचारी दिवसभर सतर्क राहून भाविकांची सेवा करत होते.
भाविकांसह ग्रामस्थांनी या आरोग्य सेवेचे कौतुक केले असून, सुटसुटीत आणि वेळेत मिळालेल्या उपचारांमुळे कुठलीही मोठी आपत्ती टळल्याचे सांगण्यात आले. आरोग्य विभागाच्या या तत्पर कार्याची सर्वत्र प्रशंसा होत आहे.
