कोकण कृषि विद्यापीठात चिखलणी रस्सीखेच स्पर्धेला मोठा प्रतिसाद

दापोली येथील डॉ. बाळासाहेब सावंत कोकण कृषि विद्यापीठातर्फे कृषि महाविद्यालयाच्या गिम्हवणे येथील कृषि विद्याविभागाच्या प्रक्षेत्रातील शेतात अभिनव अशा चिखलणी रस्सीखेच स्पर्धेचे आयोजन करण्यात आले होते. या स्पर्धेत विद्यार्थी तसेच कर्मचारीही उपस्थित झघले होते. आज रक्षाबंधनाची सुट्टी असल्याने हा दिवस या स्पर्धेसाठी निवडण्यात आला.
कृषि महाविद्यालयाचे कुलगुरू डॉ. संजय भावे, संचालक डॉ. सतीश नरखेडे, कृषि महाविद्यालयाचे प्राचार्य डॉ. मकरंद जोशी यांच्या उपस्थितीत या स्पर्धांना सुरूवात करण्यात आली. या स्पर्धेत विद्यार्थीनी, विद्यार्थी तसेच विद्यापीठातील कर्मचारी यांनी शेतातील चिखलात उतरून या स्पर्धेचा आनंद लुटला. गेली अनेक वर्षे या स्पर्धेचे आयोजन करण्यात येत आहे. ही स्पर्धा पाहण्यासाठी विद्यापीठातील अधिकारी, प्राध्यापक, कर्मचारी, विद्यार्थी मोठ्या संख्येने उपस्थित होते.www.konkantoday.com