निवळी अपघातातील गॅस टँकर चालकाविरुद्ध ग्रामीण पोलीस ठाण्यात गुन्हा दाखल
रत्नागिरी : तालुक्यातील जयगड ते निवळी जाणाऱ्या रस्त्यावर रावणंगवाडी-तिसंग येथील वळणावर पलटी झालेल्या गॅस टँकर चालकाविरुद्ध ग्रामीण पोलीस ठाण्यात गुन्हा दाखल करण्यात आला आहे. हरिश्चंद्र राजकुमार पटेल (रा. जीरकप, पो. बरदिपार, ता. मच्छीशहा जि. जवतपूर-उत्तरप्रदेश) असे संशयित चालकाचे नाव आहे. ही घटना सोमवारी (ता. ४) सकाळी सव्वा सहाच्या सुमारास घडली.
पोलिसांकडून मिळालेल्या माहितीनुसार संशयित चालक हे ग्रॅस टँकर (क्र. टीएन ८८ एल-९६६१) घेऊन जयगड ते बेंगलोर असा जात असताना निवळी येथील रावणंगवाडी-तिसगी रस्त्यावरील वळणावर टँकर निष्काळजी पणे चालवून अपघात केला. या प्रकरणी पोलीस पाटील भालचंद्र शितप यांनी ग्रामीण पोलीस ठाण्यात क्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे.
