रत्नागिरी शहरातील मिरकरवाडा खडकमोहल्ला परिसरात सुतारकाम करणाऱ्या कामगाराचा निर्घृण खून
रत्नागिरी शहरातील मिरकरवाडा खडकमोहल्ला परिसरात सुतारकाम करणाऱ्या कामगाराचा निर्घृण खून केल्याची घटना शनिवारी सायंकाळी समोर आली. साथीदारासोबत झालेल्या वादातून हा खून झाल्याची माहिती समोर येत आहे. खून झालेला कामगार आणि त्याचा साथीदार हा परप्रांतीय असल्याचे पोलिस सुत्रांनी सांगितले. खून झाल्याची माहिती मिळताच मोठ्या प्रमाणात लोक मिरकरवाडा येथे जमल्याचे दिसून येत आहे. ज्या तरुणाने खून केला त्याला पोलिसांनी तत्काळ पकडल्याचे ही समजते. सदर तरुणाला भोसकून खून केल्याचे समोर येत आहे. घटनास्थळी उपविभागीय पोलिस अधिकारी निलेश माईनकर शहर पोलीस निरीक्षक विवेक पाटील हे आपल्या टीम सह दाखल झाले आहेत.
