पक्ष संघटना बळकट करा : आमदार भास्कर जाधव यांचे कार्यकर्त्यांना आवाहन.
कठीण परिस्थितीत कोण कुठे गेला हे न पाहता आहे त्या परिस्थितीत कार्यकर्ते जोडा संपर्क वाढवा मुळमुळीत पणा झटका,आक्रमक व्हा.. आणि पक्ष संघटना अधिक बळकट करा, असे आवाहन आमदार भास्कर जाधव यांनी कार्यकर्त्यांना मार्गदर्शन करताना केले.गुहागरचे आमदार भास्कर जाधव हे गुहागर दौऱ्यावर आले असता शासकीय विश्रामगृह येथे कार्यकर्त्यांना मार्गदर्शन करीत होते. यावेळी तोच जोश, तोच उत्साह आणि तोच जल्लोष आमदार भास्कर जाधव यांच्यामध्ये आणि कार्यकर्त्यांमध्ये दिसत होता. कार्यकर्त्यांनी आमदार जाधव यांना भेटण्यासाठी तुफान गर्दी केली होती. यावेळी आमदार जाधव यांचा वाढदिवसही उत्साहात आणि जल्लोषात साजरा करण्यात आला.यावेळी आमदार जाधव यांनी कार्यकर्त्यांना उद्धव बाळासाहेब ठाकरे शिवसेना पक्षाची ताकद कशी वाढवायची, मतदार कसे जोडायचे, त्यांना कसे आपले करायचे, पक्ष सभासद कसे करायचे याबद्दल मौलिक मार्गदर्शन करून येणाऱ्या स्थानिक स्वराज्य संस्थांच्या निवडणुका जिंकण्याचा निर्धार व्यक्त केला. यावेळी आमदार जाधव यांच्या समवेत विक्रांतदादा जाधव, विनायक मुळे, तालुका प्रमुख सचिन बाईत, सचिव विलास गुरव, रविंद्र आंबेकर, काशिनाथ मोहिते, माजी सभापती पूर्वीताई निमूणकर, श्रीमती वनिता डिंगणकर, अपर्णा रणपिसे, पूजा कारेकर, प्रवीण ओक, संतोष तांदळे, सौ. स्नेहा वरंडे, सचिन जाधव, ज्येष्ठ पत्रकार निसार खान यांच्यासह महिला आघाडीच्या कार्यकर्त्या, पदाधिकारी, कार्यकर्ते बहुसंख्येने उपस्थित होते.
