काँग्रेस नेते रमेश कीर, हुस्नबानू खलीपे यांची प्रदेश सरचिटणीस पदावर नियुक्ती नुरुद्दीन सय्यद, सोनललक्ष्मी घाग काँग्रेसचे नवे जिल्हाध्यक्ष

रत्नागिरी : महाराष्ट्र प्रदेश काँग्रेस कमिटीच्या कार्यकारिणीत रत्नागिरी जिल्ह्यातील चौघांना महत्वाची जबाबदारी मिळाली आहे. या कार्यकारिणीत काँग्रेसचे ज्येष्ठ नेते माजी जिल्हाध्यक्ष रमेश किर यांच्यावर प्रदेश सरचिटणीस पदाची जबाबदारी सोपवण्यात आली आहे. ॲड. हुस्नबानू खलिफे यांच्यावर देखील प्रदेश सरचिटणीस पदाची धुरा सोपवण्यात आली आहे. रत्नागिरी जिल्ह्यासाठी उत्तर आणि दक्षिण असे दोन जिल्हाध्यक्ष नियुक्त करण्यात आले आहेत. काँग्रेसकडून जिल्हाध्यक्ष पदांवर झालेल्या नियुक्त्यांमध्ये यंदा एक नवा निर्णय घेण्यात आला आहे. नुरुद्दीन सय्यद यांची दक्षिण रत्नागिरी जिल्हाध्यक्ष म्हणून नियुक्ती झाली आहे, तर सोनललक्ष्मी घाग उत्तर रत्नागिरी जिल्हाध्यक्ष म्हणून कार्यभार सांभाळतील. यामुळे जिल्ह्यातील काँग्रेस कार्यकर्त्यांमध्ये उत्साहाचे वातावरण आहे.काँग्रेसचे माजी जिल्हाध्यक्ष आणि काँग्रेसचे अनुभवी नेते रमेश कीर यांच्यावर प्रदेश सरचिटणीस पदाची जबाबदारी सोपवण्यात आली आहे. माजी आमदार हुस्नबानू खलीपे यांची देखील प्रदेश सरचिटणीस म्हणून नियुक्ती करण्यात आली आहे. प्रदेश कार्यकारिणीकडून झालेल्या या नियुक्त्यांमुळे रत्नागिरी जिल्ह्यातील काँग्रेस पदाधिकारी आणि कार्यकर्त्यांमध्ये आनंदाचे वातावरण असून या निवडीमुळे काँग्रेस पक्ष अधिक मजबूत होईल आणि आगामी काळात पक्षाच्या कामाला गती मिळेल, अशी अपेक्षा व्यक्त केली जात आहे.