एसटी कर्मचार्‍यांनी दाखविले माणुसकीचे दर्शन, प्रवाशाच्या उपचारासाठी बस थेट रुग्णालयात
बहुजन हिताय, बहुजन सुखाय’ या ब्रीदवाक्याप्रमाणे प्रवाशांची सेवा करण्याचा वसा राज्य परिवहन महामंडळाने घेतला आहे. तसे कामकाज ही सुरू आहे. दरम्यान, एसटी महामंडळाबाबत अनेक नकारात्मक बातम्या येत असतात
मात्र, अशातच एसटी कर्मचार्‍यांनी माणुसकीचे दर्शन रत्नागिरी आगाराच्या कर्मचार्‍यांनी या प्रसंगातून घडवले.
रत्नागिरी तालुक्यात करबुडे येथे नेहमीप्रमाणे वस्तीला जाणारी एसटीबस सकाळी वस्तीवरून रत्नागिरीसाठी निघाली. प्रवाशांची मोठी गर्दी होती. याच बसमध्ये एक ताडपत्री विकणारा प्रवासी एसटी बसमध्ये चढला. पण, काही वेळ बसल्यानंतर त्या व्यक्तीला अचानक अस्वस्थ वाटू लागले. ही गोष्ट वाहकाच्या लक्षात आल्यानंतर तातडीने वेळ न घालवता एसटी बस थेट शासकीय रूग्णालयातील अपघात विभागात घेऊन उपचारार्थ दाखल केले. त्यांच्या सतर्कतेमुळे त्या प्रवाशावर वेळेत उपचार झाले आणि चालक-वाहकांनी सुटकेचा नि:श्वास सोडला.
