ओवळी पैकी बौद्धवाडी गोठ्यात जखमी अवस्थेत असलेला बिबट्या वन विभागाने घेतला ताब्यात

गेल्या चार-पाच दिवसापासून पासून मौजे ओवळी पैकी बौद्धवाडी ता. चिपळूण येथील श्री.विलास मोहिते यांच्या गुरांच्या गोठ्यात शिरून वन्यप्राणी बिबट्या येऊन बसत होता.सदरची माहिती श्री. मोहिते यांनी वन विभागास कळवली असता सदर ठिकाणी श्री एस एस सावंत वनपाल चिपळूण,श्री.कृष्णा इरमले वनरक्षक कोळकेवाडी, श्री.राहुल गुंठे वनरक्षक रामपूर यांनी मौजे ओवळी येथे जाऊन श्री.मोहिते यांच्या गुरांच्या गोठ्याची पाहणी केली असता.त्या ठिकाणी बिबट्या असल्याचे दिसून आले.व त्याला पळवून लावल्याचे उपाय योजना केल्यावर ही तो काही वेळा पुरता बिबट निघून जायचा परत तिथले वातावरण शांत झाले की तिथेच येऊन बसायचा, त्या नंतर त्या बिबट्याची पाहणी केली असता . तो अशक्त व आजारी असल्याचे दिसून आले. गोठ्याया बाहेर व गोठ्या येणाऱ्या पायवाटेत बाजूस ट्रॅप कॅमेरे आणि ट्रॅप पिंजऱ्यात भक्ष ठेवून पिंजरा लावण्यात आला. परंतु बिबट पिंजऱ्यात न येता गोठ्यात येऊन बसू लागला.असे वारंवार होत असल्याने ,दिनांक ११/०७/२०२५ रोजी  मा. श्रीम.गिरिजा देसाई , विभागीय वन अधिकारी, रत्नागिरी (चिपळूण) यांनी दिलेल्या सूचने नुसार मा.श्रीम.प्रियंका लगड,सहाय्यक वन संरक्षक रत्नागिरी (चिपळूण) यांनी स्वतः स्थळ पाहणी करून पिंजऱ्याची जागा बदलून श्री. मोहिते यांच्या गुरांच्या गोठ्यात ट्रॅप पिंजऱ्यात भक्ष ठेवून लावला.त्या रात्री ८.३० वाजता सदर बिबट्या पिंजऱ्यात ट्रॅप झाला .सदर बिबट्याची पाहणी केली असता तो नर जातीचा अंदाजे ४ते५ वर्षेचा पूर्णवाडीचा असून त्याच्या मानेवर जखम असल्याचे दिसून आले. मा. श्रीम.गिरिजा देसाई , विभागीय वन अधिकारी, रत्नागिरी (चिपळूण) यांनी पाहणी केल्यानंतर सदर जखमी बिबट्यास पुणे येथील रेस्क्यू ट्रान्सीट ट्रीटमेंट सेंटर येथे उपचारासाठी वन विभागाच्या अँब्युलन्सने तातडीने पाठवले.
सदर बचाव कार्य मा. श्रीम.गिरिजा देसाई , विभागीय वन अधिकारी, रत्नागिरी (चिपळूण) यांच्या मार्गदर्शना खाली मा.श्रीम.प्रियंका लगड,सहाय्यक वन संरक्षक रत्नागिरी (चिपळूण) , मा.श्री . आर एस परदेशी,वन परिक्षेत्र अधिकारी चिपळूण,श्री. एस एस सावंत, वनपाल चिपळूण,श्री.सुरेश उपरे वनपाल सावर्डे ,श्री. कृष्णा इरमले वनरक्षक कोळकेवाडी,श्री राहुल गुंठे वनरक्षक रामपूर,श्री. नंदकुमार कदम वाहन चालक यांनी पार पाडले.
      तसेच ओवळी गावचे पोलिस पाटील श्री. अजिंक्य शिंदे, ग्रामस्थ शुभंम रवींद्र शिंदे,वेदांत प्रकाश शिंदे,उदय शिवाजी कदम, दशरथ रामचंद्र शिंदे ,सुजल प्रफुल शिंदे ,आर्यन संतोष घाग ,सुजल राजेश शिंदे,धावू कानू शेळके ,मुंकुद सुरेश हिलम,संदीप सावंत, गोटा मालक श्री.विलास शिंदे व श्री.सुरेश शिंदे यांनी मोलाची मदत केली.