महाराष्ट्र राज्य वीज वितरण कंपनी लिमिटेडमार्फत नवीन भरती जाहीर
महाराष्ट्र राज्य वीज वितरण कंपनी लिमिटेडमार्फत नवीन भरती जाहीर करण्यात आली आहे. ही भरती ट्रेड अप्रेंटिस पदांसाठी असून, इलेक्ट्रिशियन, वायरमन आणि कोपाच्या एकूण १२८ पदे रिक्त आहेत. या पदांसाठी पात्र उमेदवारांकडून ३० जून २०२५ पर्यंत ऑनलाईन अर्ज मागविण्यात आले आहेत.
महावितरण चंद्रपूर परिमंडळात ही भरती करण्यात येत असून, उमेदवारांना अर्ज करण्यासाठी कंपनीच्या अधिकृत संकेतस्थळावर www.mahadiscom.in भेट देऊन ऑनलाईन पद्धतीने अर्ज सादर करावा लागणार आहे. अर्ज करण्याआधी उमेदवारांनी जाहिरातीत दिलेली सविस्तर माहिती (PDF) काळजीपूर्वक वाचावी, असे आवाहन करण्यात आले आहे. भरतीच्या माहितीची पीडीएफ फाईल बातमीत देण्यात आली आहे.
Mahavitaran Recruitment 2025 Chandrapur: महाराष्ट्र राज्य वीज वितरण कंपनी लिमिटेड चंद्रपूर भरती-
पदाचे नाव: ट्रेड अप्रेंटिस (वीजतंत्री, तारतंत्री, कोपा)
एकूण रिक्त पदे: १२८
शैक्षणिक पात्रता: एनसीव्हीटी (NCVT) मान्यताप्राप्त ITI किंवा दहावी (SSC) उत्तीर्ण
वयोमर्यादा: किमान १८ वर्षे ते कमाल ३८ वर्षे
नोकरीचे ठिकाण: चंद्रपूर
अर्ज करण्याची पद्धत: फक्त ऑनलाईन
अर्ज करण्याची अंतिम तारीख: ३० जून २०२५
Mahavitaran Chandrapur Bharti 2025 Education Qualification: शैक्षणिक पात्रता –
या भरतीसाठी शैक्षणिक पात्रता म्हणून उमेदवाराने किमान दहावी उत्तीर्ण असणे आवश्यक आहे. तसेच, राष्ट्रीय व्यवसाय प्रशिक्षण परिषद मान्यताप्राप्त औद्योगिक प्रशिक्षण संस्थेतून संबंधित ट्रेडमध्ये ITI उत्तीर्ण असणे अनिवार्य आहे. वयोमर्यादा १८ ते ३८ वर्षे इतकी आहे. अनुसूचित जाती-जमातीच्या उमेदवारांसाठी वयात ५ वर्षांची सूट दिली जाणार आहे.
Mahavitaran Chandrapur Recruitment 2025 Selection Process: भरती प्रक्रिया कशी असेल?
निवड प्रक्रिया ही चाचणी आणि/किंवा मुलाखतीद्वारे पार पडणार असून, अंतिम निवड गुणवत्ता व पात्रतेनुसार केली जाईल. उमेदवारांनी अर्ज करताना वैयक्तिक माहिती, शैक्षणिक पात्रता व ओळखपत्र यांची सुसंगत कागदपत्रे अपलोड करावी लागतील. भरती झाल्यानंतर उमेदवारांना महावितरणच्या चंद्रपूर येथील विविध विभागांमध्ये प्रशिक्षणासाठी नियुक्त करण्यात येणार आहे. अप्रेंटिस कालावधीमध्ये उमेदवारांना नियमानुसार मानधन देण्यात येईल.
१. Mahavitaran Chandrapur Bharti 2025 PDF File: चंद्रपूर महावितरण जाहिरात पीडीएफ फाईल – https://drive.google.com/file/d/
२. Mahavitaran Chandrapur Bharti 2025 Official Website: अधिकृत वेबसाईट- https://www.mahadiscom.in/
सरकारी नोकरीची सुवर्णसंधी –
सरकारी किंवा निमसरकारी क्षेत्रात नोकरी करू इच्छिणाऱ्या आयटीआय व दहावी उत्तीर्ण उमेदवारांसाठी ही एक सुवर्णसंधी आहे. इच्छुक उमेदवारांनी शेवटच्या तारखेच्या आत अर्ज दाखल करावा, अन्यथा अर्ज स्वीकारले जाणार नाहीत. अधिक माहितीसाठी उमेदवारांनी महावितरणच्या वेबसाइटला नियमित भेट द्यावी.
