सिंधुदुर्ग जिल्ह्यातील दशावतारी कलाकारांनाही राजाश्रय मिळणार.
सिंधुदुर्ग जिल्ह्यातील दशावतारी कलाकार आपल्या विविध प्रलंबित मागण्यांसाठी गेली अनेक वर्षे पाठपुरावा करत होते परंतु या मागण्यांना यश आले नव्हते. यावर या कलाकारांनी आमदार निलेश राणे यांच्याकडे आपल्या व्यथा मांडल्या होत्या. त्यानुसार आमदार राणे यांनी गेल्या अधिवेशनात दशावतारी कलाकारांच्या विविध मागण्यांबाबत सरकारचे लक्ष वेधले होते.
त्यानंतर सोमवारी आमदार राणे यांच्या पुढाकाराने राज्याचे सांस्कृतिक मंत्री आशिष शेलार यांच्या अध्यक्षतेखाली मुंबई येथे दशावतारी कलाकारांच्या विविध प्रश्नांसंदर्भात विशेष बैठक झाली. यावेळी सिंधुदुर्ग आणि मुंबईतील सुमारे दोन हजारहून अधिक दशावतारी कलाकारांची शासन दरबारी अधिकृत नोंद व्हावी, त्याप्रमाणे या कलाकारांसाठी देण्यात येणारी शासनाची मदत थेट कलाकारांच्या खात्यात जमा व्हावी. सांस्कृतिक मंत्रालयाच्या शिफारस समितीवर कलाकारांना समाविष्ट करून घ्यावे तसेच वृद्ध कलावंताना मिळणार्या मानधनामध्ये सुद्धा दशावतारी कलाकारांना अधिकचा वाटा मिळावा यासाठी मंत्री आशिष शेलार यांच्याकडे मागणी केली.www.konkantoday.com
