जम्मू-काश्मीरमध्ये लष्कराचा ट्रक दरीत कोसळला; ३ जवानांचा मृत्यू.

जम्मू आणि काश्मीरच्या रामबन जिल्ह्यातील बॅटरी चष्मा येथे लष्कराचा ट्रक सुमारे २००-३०० मीटर दरीत कोसळल्याने तीन जवानांचा मृत्यू झाला. अमित कुमार, सुजीत कुमार आणि मान बहादूर अशी मृत जवानांची नावे आहेत.रविवारी जम्मूहून श्रीनगरला लष्काराचा ताफा जात असताना ही घटना घडली.रविवारी रामबनर जिल्ह्यातील बॅटरी चष्मा भागात लष्कराचा ट्रक रस्त्यावरून घसरल्याने भीषण अपघात झाला. ट्रक खोल दरीत कोसळल्याने तीन जवानांना आपला जीव गमवावा लागला. लष्कर आणि स्थानिक प्रशासनाकडून बचाव कार्य करण्यात आले. जम्मू आणि काश्मीरमध्ये लष्कराच्या वाहनांशी संबंधित ही सहा महिन्यांतील तिसरी घटना आहे.