उत्तर प्रदेश येथील लादी कामगाराची आत्महत्या.

उत्तर प्रदेश येथील रहिवासी व शहरातील बेंदरकर आळी पेथे वास्तव्यास असलेल्या एका २८ वर्षीय लादी काम करणार्‍या तरुणाने गळफास लावून आत्महत्या केल्याची घटना मंगळवारी उघडकीस आली. याप्रकरणी चिपळूण पोलीस ठाण्यात आकस्मिक मृत्यूची नोंद करण्यात आली आहे. दरम्यान, या आत्महत्येचे कारण अद्याप अस्पष्ट आहे. सनीशकुमार विरेद्रकुमार शर्मा (२८, उत्तरप्रदेश, सध्या-बेंदरकर आळी) असे आत्महत्या केलेल्या कामगाराचे नाव आहे. सनीशकुमार शर्मा हा शहरातील बेंदरकर आळी येथे दोन वर्षांपासून पत्नी व एका वर्षाच्या मुलासह भाड्याने राहात होता. त्याने सदनिकेच्या हॉलमधील सिलिंग फॅनला साडीच्या सहाय्याने गळफास घेऊन आत्महत्या केली. या घटनेची माहिती तत्काळ पोलिसांना देण्यात आली. त्यानुसार पोलीस घटनास्थळी दाखल झाले. चिपळूण पोलीस या आत्महत्येप्रकरणी अधिक तपास करीत आहेत.www.konkantoday.com