तीन महिन्यांत कमिशनसह मागण्या पूर्ण न झाल्यासएलपीजी वितरक संघटना संपावर जाणार.
अलिकडेच सरकारने घरगुती गॅस सिलिंडरच्या किमतीत 50 रुपयांची वाढ केली होती. आता एलपीजी वितरक संघटनेने सरकारला संपाची धमकी दिली आहे. तीन महिन्यांत कमिशनसह त्यांच्या मागण्या पूर्ण न झाल्यास ते संपावर जातील, असा इशारा रविवारी संघटनेने दिला आहे.असोसिएशनचे अध्यक्ष बी.एस. शर्मा यांनी एका निवेदनात म्हटले आहे की, शनिवारी भोपाळ येथे असोसिएशनच्या राष्ट्रीय अधिवेशनात हा निर्णय घेण्यात आला. त्यांनी सांगितले की, संपाचा प्रस्ताव वेगवेगळ्या राज्यांमधून आलेल्या सदस्यांनी मंजूर केला.
एलपीजी वितरकांच्या मागण्यांबद्दल आम्ही पेट्रोलियम आणि नैसर्गिक वायू मंत्रालयालाही पत्र लिहिले आहे. एलपीजी वितरकांना दिले जाणारे सध्याचे कमिशन खूपच कमी आहे आणि ते त्यांच्या खर्चाशी सुसंगत नाही.वितरणावरील कमिशन किमान 150 रुपये करावे, अशी मागणी करणारे पत्र युनियनने केंद्र सरकारला लिहिले आहे. पत्रात असे म्हटले आहे की, एलपीजीचा पुरवठा मागणी आणि पुरवठ्यावर आधारित असतो.परंतु, तेल कंपन्या कोणत्याही मागणीशिवाय वितरकांना सिलिंडर जबरदस्तीने पाठवत आहेत, जे कायदेशीर तरतुदींच्या विरुद्ध आहे. हे ताबडतोब थांबवायला हवे. उज्ज्वला योजनेअंतर्गत एलपीजी सिलिंडरच्या वितरणातही समस्या आहेत. पत्रात, युनियनने स्पष्ट केले आहे की जर त्यांच्या मागण्या 3 महिन्यांत पूर्ण झाल्या नाहीत तर ते संपावर जातील.
