दिलीप कुमार यांना मुंबई पोलिसांची अनोखी श्रद्धांजली

बॉलिवूडचे ज्येष्ठ अभिनेते दिलीप कुमार यांचं निधन झाल्याने बॉलिवूडवर शोककळा पसरली आहे. दिलीप कुमार यांचं निधन झाल्यानंतर पंतप्रधान नरेंद्र मोदींपासून ते अमिताभ बच्चन यांच्यापर्यंत प्रत्येकजण सोशल मीडियाच्या माध्यमातून श्रद्धांजली वाहत आहे. मुंबई पोलिसांनीही नेहमीप्रमाणे वेगळ्या शैलीत ट्वीट करत दिलीप कुमार यांना श्रद्धांजली वाहिली असून हे ट्वीट चर्चेत आहे.

मुंबई पोलिसांनी दिलीप कुमार यांनी श्रद्धांजली वाहताना त्यांच्या चित्रपटाच्या नावांचा वापर केला आहे. “दिलीप साहेब आम्ही आमच्या ‘कर्मा’शी सच्चे राहू आणि आपली सर्व ‘शक्ती’ कायद्याची (कानून) ‘मशाल’ पेटती ठेवण्यात गुंतवू”.

‘कर्मा’, ‘शक्ती’, ‘कानून’ आणि ‘मशाल’ हे दिलीप कुमार यांच्या गाजलेल्या चित्रपटांपैकी आहेत. या चित्रपटातील त्यांच्या जबरदस्त भूमिका आजही प्रेक्षकांच्या लक्षात आहेत.
www.konkantoday.com