यशतेज फाऊंडेशन मंडणगड यांच्या माध्यमातून वेळास समुद्रकिनारी कासवांचा जन्मसोहळा.

यशतेज फाऊंडेशन मंडणगड यांच्या माध्यमातून शहरातील नागरिकांनी मंगळवारी वेळास येथे ऑलिव्ह रिडले कासवांचा जन्मसोहळा अनुभवला. पहाटे समुद्री किनारच्या हॅचरीत सुरक्षित करण्यात आलेल्या अंड्यातील ३४ पिल्ले अंड्यातून बाहेर पडून समुद्रकिनार्‍याकडे झेपावली. दरम्यान कासवांची  पिल्ले अंड्यातून बाहेर पडण्यासह सुरूवात झाल्याने लवकरच कासव महोत्सवाची तारीख जाहीर होण्याची शक्यता आहे.यावेळी कासवमित्र मोहन उपाध्ये यांनी ऑलिव्ह रिडले जातीच्या कासवांसह इतर कासवांच्या प्रजातींविषयी माहिती दिली.

पहाटे साडेचार वाजता शहरातून दाखल झालेल्या नागरिकांनी सुर्योदयावेळी समुद्रकिनारी हा जन्मसोहळा प्रत्यक्ष अनुभवला. कासवांचे गाव म्हणून प्रसिद्ध असलेल्या वेळास या गावी कास वीणीच्या हंगामास सुरूवात झाली आहे. यंदा वेळास येथे समुद्र किनार्‍यावर ३२ घरट्यांमध्ये ३,५७९ अंडी सुरक्षित करण्यात आली आहेत.www.konkantoday.com