रत्नागिरी कोकणनगर येथे तरुणाच्या डोक्यात मारली बियरची बाटली; दोघांवर गुन्हा दाखल

रत्नागिरी : शहरातील कोकणनगर येथे तरुणाच्या डोक्यात बिअरची बाटली मारली. यात संबंधित तरुण जखमी झाला आहे. ही घटना मंगळवार दि. 31 मे रोजी रात्री 8.15 वा. येथे घडली. हुजेर काझी व सैफ काझी (दोन्ही रा. मजगाव, रत्नागिरी) अशी गुन्हा दाखल करण्यात आलेल्या संशयितांची नावे आहेत. त्यांच्याविरोधात श्रुतिक राजेश सावंत (राहणार मजगाव, रत्नागिरी) याने तक्रार दिली. पोलिसांनी दिलेल्या माहितीनुसार, मंगळवारी रात्री कोकणनगर येेथे संशयितांनी श्रुतिकला बोलावले होते. श्रृतिक तिथे येताच त्यांनी त्याच्या डोक्यात बिअरची बाटली मारून त्याला जखमी केले. या प्रकारचे कारण समजू शकलेले नाही. याप्रकरणी शहर पोलिस ठाण्यात गुन्हा दाखल करण्यात आला आहे.