एसटीचे पास थेट त्यांच्या शाळेतच वितरित करण्यात येणार
शाळा- महाविद्यालयात शिक्षण घेणाऱ्या विद्यार्थ्यांना एसटीचे पास थेट त्यांच्या शाळेतच वितरित करण्यात येणार आहेत. अशा सूचना परिवहन मंत्री आणि एसटी महामंडळाचे अध्यक्ष प्रताप सरनाईक यांनी स्थानिक एसटी प्रशासनाला केली. दरम्यान, एसटीकडून विद्यार्थ्यांना प्रवास भाड्यात ६६.६६ टक्के सवलत दिली जाते. म्हणजेच विद्यार्थ्यांना केवळ ३३.३३ टक्के शुल्क भरून मासिक पास मिळतो. तसेच पुण्यश्लोक अहिल्याबाई होळकर योजना अंतर्गत बारावीपर्यंत शिक्षण घेणाऱ्या सर्व विद्यार्थिनींना एसटी पास मोफत दिला जातो.
