होळी आणि उन्हाळी हंगामासाठी कोकण रेल्वे मार्गावर धावणार उधना – मंगळुरू द्वि-साप्ताहिक विशेष
रत्नागिरी : होळी आणि येऊ घातलेला उन्हाळी हंगाम यामुळे कोकण रेल्वे मार्गावर प्रवाशांची होणारी गर्दी लक्षात घेऊन या मार्गावर उधना जंक्शन – मंगळुरू जंक्श.- उधना जंक्शन ही द्वि-साप्ताहिक विशेष गाडी २ मार्च ते ३०जून या कालावधीत धावणार आहे.
उधना जंक्शन – मंगळुरू जंक्शन (गाडी क्रमांक ०९०५७) ही द्वि-साप्ताहिक विशेष गाडी २ मार्च ते २९ जून या कालावधीत दर बुधवार आणि रविवारी रात्री ८ वाजता उधना जंक्शन येथून सुटेल. ही गाडी दुसऱ्या दिवशी संध्याकाळी ७ वाजून ४५ मिनिटांनी मंगळुरू जंक्शनला पोहोचेल.परतीच्या प्रवासात मंगळुरू जंक्शन – उधना जंक्शन (गाडी क्रमांक ०९०५८) ही द्वि-साप्ताहिक विशेष गाडी दर गुरुवार आणि सोमवारी म्हणजेच ३ मार्च ते ३० जून या कालावधीत रात्री १२ वाजून १० मिनिटांनी मंगळुरू जंक्शनवरून सुटेल. ही गाडी दुसऱ्या दिवशी रात्री १२ वाजून ५ मिनिटांनी उधना जंक्शनला पोहोचेल.
या प्रवासात ही गाडी वलसाड, वापी, पालघर, वसई रोड, भिवंडी रोड, पनवेल, पेण, रोहा, माणगाव, खेड, चिपळूण, सावर्डा, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी, कारमाना रोड, मडगाव, थिविम रोड, ज. अंकोला, गोकर्ण रोड, कुमता, मुर्डेश्वर, भटकळ, मुकांबिका रोड बयंदूर, कुंदापुरा, उडुपी, मुल्की आणि सुरथकल या स्थानकांवर थांबेल.
या गाडीला एकूण २२ कोच असून, त्याची रचना २ टायर एसी १ कोच, ३ टायर एसी ५ कोच, स्लीपर १२ कोच, जनरल २ कोच, एसएलआर २ अशी असेल. या सेवेचा लाभ प्रवाशांनी घ्यावा, असे आवाहन कोकण रेल्वे प्रशासनाने केले आहे.
