उद्धव ठाकरे यांना महाराष्ट्राच्या राजकारणातून उद्ध्वस्त नाही केलं तर माझं नाव सांगणार नाही-रामदास कदम.
उद्धव ठाकरे यांना महाराष्ट्राच्या राजकारणातून उद्ध्वस्त नाही केलं तर माझं नाव सांगणार नाही अशी शपथतच शिवसेना शिंदे गटाच्या नेत्याने घेतली आहे. या नेत्याचे नाव रामदास कदम आहे. ठाकरे यांच्या विरोधात रामदास कदम हे नेहमीच आक्रमक वक्तव्य करत आले आहेत.आपल्या मुलाला राजकारणातून उद्ध्वस्त करण्याचा डाव उद्धव ठाकरेंचा होता. पण आता आपणच त्यांना उद्ध्वस्त करु असं कदम म्हणाले आहे.
दापोलीतील शिवसेना ठाकरे गटाच्या नगरसेवकांनी शिवसेना शिंदे गटात प्रवेश केल्यानंतर ते बोलत होते.दापोलीत शिवसेना उबाठा गटाला मोठा धक्का बसला आहे. दापोली नगरपंचायतीमध्ये शिवसेनेचं ऑपरेशन टायगर फत्ते झाले आहे. ठाकरे गटाच्या जवळपास 9 नगरसवेकांनी ठाकरेंची साथ सोडली आहे. त्यांनी शिंदेंच्या शिवसेनेत जाहीर प्रवेश केला आहे. त्यात उपनगराध्यक्ष आणि 8 नगरसेवकांचा समावेश आहे. शिवसेना नेते रामदास कदम आणि गृहराज्यमंत्री योगेश कदम यांच्या उपस्थितीत दापोलीत हा प्रवेश झाला.
