सर्वोत्कृष्ट व्यवसाय अग्रणी पुरस्कार सज्जन जिंदाल यांना प्रदान.
जेएसडब्ल्यू ग्रुपचे अध्यक्ष सज्जन जिंदाल यांना १५व्या एआयएमए मॅनेजिंग इंडिया अॅवॉर्ड्समध्ये प्रतिष्ठेच्या ‘दशकातील सर्वोत्कृष्ट व्यवसाय अग्रणी’ पुरस्काराने सन्मानित करण्यात आले. नवी दिल्ली येथे झालेल्या समारंभात जिंदाल यांना हा पुरस्कार प्रदान करण्यात आला. या वेळी मुख्य अतिथी म्हणून केंद्रीय शिक्षणमंत्री धर्मेंद्र प्रधान आणि अतिथी म्हणून वाणिज्य आणि उद्योग, इलेक्ट्रॉनिक्स आणि आयटी विभागाचे राज्यमंत्री जितीन प्रसाद उपस्थित होते.
जिंदाल यांच्या नेतृत्वाखाली जेएसडब्ल्यू समुहाने उल्लेखनीय वाढ साध्य केली असून, कंपनीचे उत्पन्न दुपटीहून अधिक वाढून २४ अब्ज अमेरिकन डॉलरवर पोहोचले आहे. वार्षिक स्टील उत्पादन क्षमता तिप्पट करून ३९ दशलक्ष टनांपर्यंत वाढवली तसेच अक्षय ऊर्जा आणि सिमेंट उत्पादन क्षेत्रात महत्वपूर्ण स्थान निर्माण केले आहे. जेएसडब्ल्यू भारतातील खासगी क्षेत्रातील दुसऱ्या क्रमांकाची सर्वात मोठी पोर्ट ऑपरेटर कंपनी म्हणून उदयास आली आहे. कंपनीने आंतरराष्ट्रीय भागीदारीद्वारे इलेक्ट्रिक वाहन आणि लष्करी ड्रोनसारख्या भविष्यातील क्षेत्रांमध्ये प्रवेश केला आहे.
