मुंबई – गोवा महामार्गावरील कशेडीच्या दोन्ही बोगद्यांतील वाहतूक येत्या मार्च महिन्याच्या पहिल्या आठवड्यात सुरू करण्याचे नियोजन.
मुंबई – गोवा महामार्गावरील कशेडीच्या दोन्ही बोगद्यांतील वाहतूक येत्या मार्च महिन्याच्या पहिल्या आठवड्यात सुरू करण्याचे नियोजित असल्याची माहिती सार्वजनिक बांधकाममंत्री शिवेंद्रराजे भोसले यांनी दिली.महामार्गच्या पळस्पे ते हातखंबा या टप्प्यातील कामाच्या प्रगतीचा आढावा घेण्यासाठी ते गुरुवारी आले हाेते. यावेळी त्यांनी नुकतीच खेड तालुक्यातील कशेडी बोगद्याची पाहणी केली. कशेडी बोगद्यातील काम पाहिल्यानंतर त्यांनी प्रसारमाध्यमांशी संवाद साधला.
मंत्री भाेसले यांनी सांगितले की, मुंबई-गोवा महामार्गावरून पूर्ण क्षमतेने वाहतूक सुरू करण्यासाठी या महामार्गाचे अपूर्ण काम लवकरात लवकर व दर्जेदार व्हावे यासाठी केंद्रीय बांधकाममंत्री नितीन गडकरी व राज्याचे मुख्यमंत्री देवेंद्र फडणवीस हे बारकाईने लक्ष ठेवून आहेत. बोगद्याच्या काही भागात गळती लागली असून, याबाबत योग्य त्या उपाययोजना केल्या जातील, असे आश्वासन मंत्री भोसले यांनी दिले.सद्यस्थितीत पहिल्या बोगद्यातून वाहतूक सुरू आहे. बोगद्याला जोडणारे दोन्ही बाजूकडील दुपदरी रस्ते जवळपास पूर्णत्वाला गेले असले तरी काही कामे अपूर्ण आहेत
