संजय राऊत यांनी कुंभमेळ्यात साबणाचं दुकान उघडावं- मनसे नेते प्रकाश महाजन.
एकनाथ शिंदे यांच्या शिवसेनेच्या आगामी प्रयागराज कुंभमेळा दौऱ्यावरून ठाकरे गटाचे नेते संजय राऊत यांनी टीका केली आहे.शिवसेनेच्या सर्व खासदार आणि आमदारांसोबत फेब्रुवारीच्या शेवटच्या आठवड्यात प्रयागराज येथे कुंभस्नानासाठी जाणार असल्याची माहिती काल सूत्रांकडून समोर आली होती. यावरून बोलताना संजय राऊत यांनी शिवसेनेवर जोरदार निशाणा साधला.
कुंभमेळ्याला जाण्यासाठी देवेंद्र फडणवीस यांनी एकनाथ शिंदे यांना एक पवित्र साबण द्यावा, अशी खोचक टीका संजय राऊत यांनी शिवसेनेवर केली होती. तर संजय राऊत यांनी केलेल्या टीकेवरून मनसे नेते प्रकाश महाजन यांनी त्यांच्यावर जोरदार पलटवार केलाय. ‘संजय राऊत यांनी कुंभमेळ्यात साबणाचं दुकान उघडावं’, असा खोचक टोला प्रकाश महाजन यांनी संजय राऊत यांना लगावला आहे. ‘कुंभमेळ्यात जागोजागी संजय राऊत नावाचा साबण ठेवायला हरकत नाही. संजय राऊत यांना आणखी दोन जन्म घयावी लागतील एवढी त्यांनी पापं केली आहेत जी कुंभमेळ्यात जाऊन देखील धुतली जाणार नाही’, असंही प्रकाश महाजन म्हणाले.
