मुख्यमंत्री एकनाथ शिंदे यांच्याहस्ते ९ रोजी दापोलीत,400 कोटीची विकास कामे
मुख्यमंत्री एकनाथ शिंदे यांच्याहस्ते शनिवार (दि.९) दापोली मध्ये सुमारे ४०० कोटींच्या कामांचे भूमिपूजन होणार असून जाहीर सभा होणार आहे, अशी माहिती दापोली खेड मंडणगडचे आमदार योगेश कदम यांनी दिलीदापोली विधानसभा मतदार संघातील सुमारे चारशे कोटींच्या विकास कामांचे भूमिपूजन करण्यासाठी मुख्यमंत्री एकनाथ शिंदे येत आहेत. याबाबत माहिती देण्यासाठी आ.योगेश कदम यांनी दिली यावेळी आ.कदम म्हणाले, राज्यात महायूतीचे सरकार राज्यात आल्या नंतर मी मुख्यमंत्री एकनाथ शिंदे यांना दापोली मतदार संघातील ज्या प्रमुख काही महत्वाच्या प्रकल्पांना चालना देण्याची विनंती केली होती. त्या पैकी ऐतिहासिक वारसा असलेल्या महत्वाचे असलेले हर्णे बंदर आंतरराष्ट्रीय दर्जाचे करण्यासाठी २०५ कोटी रुपयांची तरतूद करण्यात आली आहे. तर दापोली उपजिल्हा रुग्णालय परिसरात १०० खाटांचे नवीन रुग्णालय ज्यामध्ये अतिदक्षता विभाग, रक्तपेढी, डायलिसिस सेंटर आदी सुविधा उपलब्ध असतील त्यासाठी २० कोटी २१ लाख रुपये मंजूर करण्यात आले आहेत. खेड ते दापोली या प्रमुख राज्य मार्गासाठी ९८ कोटी रुपये मंजूर करण्यात आले असून याकोण फाटा ते विसापूर रस्त्यासाठी ३५ कोटींचा निधी मंजूर झाला असल्याचे कदम यांनी सांगितले.
www.konkantoday.com
