रत्नागिरी लायन्स क्लबचे पाच जणांना सेवा पुरस्कार जाहीर.

दरवर्षी लायन्स क्लब ऑफ रत्नागिरीतर्फे समाजाकरिता योगदान देत असलेल्या पाच व्यक्तींचा गौरव लायन्स सेवा पुरस्कार देवून करण्यात येतो. लायनेस्टिक वर्ष २४-२५ साठी दिले जाणारे हे लायन्स सेवा पुरस्कार जाहीर करण्यात आले आहेत.लायन्स क्लबचे एमजेएफ ला डॉ. संतोष बेडेकर यांच्या आई वडिलांच्या स्मरणार्थ हा पुरस्कार देण्यात येतो. या वर्षीच्या पुरस्कार प्राप्त व्यक्तीची निवड जाहीर करण्यात येत आहे. या पुरस्काराचे वितरण प्रांतपालांच्या अधिकृत भेटीवेळी करण्यात येणार आहे. शाल, श्रीफळ, सन्मान चिन्ह आणि रोख रक्कम असे पुरस्काराचे स्वरूप आहे.

पुरस्कारासाठी निवड झालेल्या व्यक्ती आणि देत असलेली सेवा पुढील प्रमाणे- ऍड. अविनाश अनंत काळे गोळप पंचक्रोशीत करत असलेल विविध सम़ाजोपयोगी कार्याची दखल घेण्यात आली आहे. डॉ. शार्दुल महेश केळकर हे सह्याद्री संकल्प सोसायटीच्या माध्यमातून निसर्ग संरक्षणाचे कार्य करत आहेत.

आनंद डुबाजी राऊत हे अग्निशमन दल कर्मचारी या नात्याने उल्लेखनीय कार्य करत आहेत. श्रीमती रेश्मा रमेश साळुंखे या येथील आशादीप मतिमंद निवासी संस्थेत काळजी वाहक म्हणून निरलस सेवा सांभाळत आहेत. श्रीमती साक्षी सचिन वसावे ह्या मूक बधीर विद्यालयात मुलांची देखभाल करण्याचे कार्य करत आहेत. या पाचही जणांच्या कार्याची दखल घेत या पुरस्कारांची निवड जाहीर करण्यात आली आहे.www.konkantoday.com