मुंबई-गोवा महामार्गावरील कशेडीच्या दुसर्‍या बोगद्यातील वाहतुकीसाठी पुन्हा १५ दिवसांची डेडलाईन.
मुंबई-गोवा महामार्गावरील बहुचर्चित कशेडीच्या दोन्ही बोगद्यातील वाहतूक पूर्ण क्षमतेने सुरू करण्याचा प्रजासत्ताकदिनाचा मुहूर्त हुकल्याने सार्‍यांचाच हिरमोड झाला आहे. दुसर्‍या बोगद्यात १० पंखे बसवण्यात येणार आहेत. यातील ४ पंखे बसवण्याचे काम युद्धपातळीवर सुरू आहे.
पंखे बसवण्याच्या कामासाठी आणखी १५ दिवसांचा कालावधी लागण्याची शक्यता आहे. ही कामे झाल्यानंतर ट्रायल घेतली जाणार आहे. त्यानंतरच दुसर्‍या बोगद्यातून पूर्ण क्षमतेने वाहतूक सुरू होईल, असे राष्ट्रीय महामार्ग खात्याकडून सांगण्यात आले.www.konkantoday.com
