पुन्हा नारायण राणे आणि देवेंद्र फडणवीस यांच्यावर जीभ वळवळली, तर जीभ जागेवर ठेवायची की नाही, हे आम्ही ठरवू, मनोज जरांगे- पाटलानाआमदार नितेश राणे यांचा इशारा

मनोज जरांगे-पाटील याने नारायण राणे यांच्यावर बोलताना दोनवेळा विचार करावा. त्यानं जास्त जीभ वळवळू नये. पुन्हा नारायण राणे आणि देवेंद्र फडणवीस यांच्यावर जीभ वळवळली, तर जीभ जागेवर ठेवायची की नाही, हे आम्ही ठरवू, असा एकेरी उल्लेख आमदार नितेश राणे यांनी जरांगे-पाटलांना इशारा दिला आहे.मी गणेशोत्सव झाल्यानंतर मराठवाड्यात जाणार आहे. बघू तर जरांगे-पाटील काय करतो,” असा इशारा खासदार नारायण राणे यांनी इशारा दिला होता. यानंतर जरांगे-पाटील यांनी नारायण राणे यांना प्रत्युत्तर दिलं होते. “अशा फुकट धमक्या नाही द्यायच्या. धमक्यांना मी घाबरत नाही. मी जर म्हणालो मराठवाड्यात येऊ देऊ नका, तर कोकणात सुद्धा तुम्हाला फिरून देणार नाहीत. मी लक्ष घातले, तर खूप फजिती होईल,” असं जरांगे-पाटील म्हणाले होते. यावर नितेश राणे यांनी प्रतिक्रिया व्यक्त करत जरांगे-पाटलांवर निशाणा साधला आहे.नितेश राणे म्हणाले, “जरांगे-पाटील यानं नारायण यांच्यावर बोलताना दोनवेळा विचार करावा. त्याने काय एकट्यानं मराठ्यांचा ठेका घेतला नाही. आम्हीपण 96 कुळी मराठे आहोत. आम्हीही मराठा आरक्षणासाठी केसेस अंगावर घेतल्या आहेत. स्वत: नारायण राणे यांनी मराठ्यांना आरक्षण मिळवून दिलं आहे.”जरांगे-पाटील यानं जास्त जीभ वळवळू नये. नारायण राणे यांच्यावर बोलण्याची हिंमत करशील, तर आम्हालाही उत्तर द्यायला चांगलं जमते. तू एकटाच मराठा नाही. तू कुणालाही शिव्या घालतो, कुणावरही टीका करतो. पहिल्यांदा पाठीमागील छत्रपती शिवाजी महाराज यांचा पुतळा आणि गळ्यातील भगवा गमछा बाजूला कर मग टीका-टिप्पणी कर. पुन्हा नारायण राणे आणि देवेंद्र फडणवीस यांच्यावर जीभ वळवळली, तर जीभ जागेवर ठेवायची का नाही, हे आम्ही ठरवू,” असं नितेश राणे राणे यांनी ठणकावून सांगितलं.