मिरकर वाडा भागातील अनधिकृत बांधकाम पाडण्यावर मत्स्य विभाग ठाम, मच्छीमारांचा गोंधळ, अखेर सोमवार पर्यंत कारवाई पुढे ढकलली.
मत्स्य विकास मंत्री नितेश राणे यांनी रत्नागिरी दौऱ्यात बेकायदेशीर मच्छीमारी करणाऱ्या नौकांवर कारवाई करण्याचे तसेच मिरकर वाडा बंदरातील अनधिकृत बांधकामावर कारवाई करण्याचे आदेश खात्याला दिले होते रत्नागिरी शहरातील मिरकर वाडा बंदरा जवळील अनधिकृत बांधकाम बांधणाऱ्या तीनशेच्या वर मच्छीमारांना मत्स्य विभागाने नोटीसा दिल्या होत्या उद्यापासून या कारवाईला सुरुवात होणार होती मात्र आज स्थानिक मच्छिमार आणि मत्स्य विभागाच्या कार्यालयात येऊन गोंधळ घातला सहाय्यक मत्स्य अधिकारी कार्यालयात संध्याकाळी पाच वाजल्या नंतर तुफान खडाजंगी झाली. मिरकर वाड्यातील अनधिकृत झोपड्या पाडण्याच्या नोटिस मत्स्यविभागाने दिल्या होत्या त्याची कार्यवाही उद्यापासून सुरू होणार होती. त्यासाठी मुंबईहून सहआयुक्त श्री. महेश देवरे मत्स्यव्यवसाय (सागरी) महाराष्ट्र राज्य यांच्या देखरेखी खाली होणार होती.
मिरकरवाडा रत्नागिरी येथील मिरकरवाडा मत्स्यबंदर हे महाराष्ट्र शासनाच्या मत्स्यव्यवसाय विभागाच्या मालकीचे असून भूमापन क्र. 73/02 क्षेत्र 10.84 हेक्टर आर ही जागा अधोस्वाक्षरीतांच्या अखत्यारीत येते. या शासकीय जागेत कोणतेही खाजगी बांधकाम करण्यास मनाई आहे. तरीही या जागेत स्टॉल / कावन / बांधकाम इ. बांधलेले आहे. मिरकरवाडा टप्पा क्र.२ मधील उर्वरीत कामे जसे कि अंतर्गत रस्ते, वर्कशॉप, लिलावगृह, विश्रामगृह जाळी विणकाम शेड इ. कामे सुरु करण्याच्या अनुषंगाने सदर शासकीय जागेतील बांधकाम त्वरीत हटवावे म्हणून नोटिस देण्यात आल्या होत्या.
या संदर्भातील सभेसाठी श्री. देवरे रत्नागिरी येथे आले असून त्यांच्या समक्ष मच्छीमारांनी गोंधळ घातला. सात दिवसाची मुदत वाढवून देण्याची मागणी मच्छिमार करत होते. त्यांचा गोंधळ वाढल्यामुळे पोलिस बंदोबस्त मागविण्यात आला. मा . न्यायालयाचा निकाल मत्स्य विभागाच्या बाजूने लागल्या ची प्रत आजच रत्नगिरी कार्यालयाला प्राप्त झाली. शेवटी गोंधळावर तोडगा म्हणून सोमवार पर्यंत मूदत वाढवून देण्यात आली आहे.
