३६ व्या राष्ट्रीय रस्ता सुरक्षा अभियान अंतर्गत हेल्मेट जनजागृती रॅली
रत्नागिरी, दि. १७ : ३६ व्या राष्ट्रीय रस्ता सुरक्षा अभियान अंतर्गत दुचाकी वाहन चालविताना हेल्मेट वापराच्या प्रसारासाठी हेल्मेट जनजागृती रॅली आयोजित करण्यात आली होती. या रॅलीची सुरुवात उप प्रादेशिक परिवहन कार्यालयातून पोलीस अधीक्षक धनंजय कुलकर्णी तसेच जिल्हा शल्य चिकित्सक डॉ. भास्कर जगताप, सहायक पोलीस निरीक्षक आबासो पाटील, सहा. प्रादेशिक परिवहन अजित ताम्हणकर यांचे हस्ते रॅलीला हिरवा झेंडा दाखवून करण्यात आली.
या रॅलीमध्ये जवळपास १०० मोटार सायकल धारकांनी सहभाग नोंदविला होता. रॅलीची सुरुवात उप प्रादेशिक परिवहन कार्यालय येथून शांतीनगर नाचणेमार्गे मारुती मंदिर, जयस्तंभ येथून पुन्हा मारुती मंदिर, साळवी स्टॉप मार्गे उप प्रादेशिक परिवहन कार्यालय येथे संपन्न झाली. या रॅलीमध्ये सहभागी झालेल्या सर्व मोटार सायकल धारकांचे सहाय्यक प्रादेशिक परिवहन अधिकारी श्री. ताम्हणकर यांनी आभार मानले.
३६ व्या राष्ट्रीय रस्ता सुरक्षा अभियान २०२५ अंतर्गत उप प्रादेशिक परिवहन कार्यालयात जिल्हा शासकीय रुग्णालयामार्फत रक्तदान शिबीराचे आयोजन करण्यात आले होत. रक्तदान शिबीरामध्ये जवळपास ६० लोकांना सहभाग नोंदविला होता. या रक्तदान शिबीरामध्ये सहभागी झालेल्या रक्तदात्यांना पोलीस अधीक्षक धनंजय कुलकर्णी तसेच इतर मान्यवरांच्या हस्ते प्रशस्तीपत्रक देऊन सन्मान करण्यात आले.
