मत्स्य कर्मचार्यांवर हल्ला करणार्या कर्नाटकातील खलाशांना अटक.
रत्नागिरी नजिकच्या पावस-गोळप समुद्रक्षेत्रात कर्नाटक मलपी येथील हायस्पीड ट्रॉलर नौकेने अतिक्रमण करत रत्नागिरीतील मत्स्य विभागाच्या गस्तीनौकेवर हल्ल्याचा प्रयत्न केला होता. या प्रकरणी ताब्यात घेतलेल्या मलपीतील अधिरा नौकेवर जप्तीची कारवाई करून ७ खलाशांना अटक करण्यात आली. सरकारी कामात अडथळा आणल्याप्रकरणी पूर्णगड पोलिसांत त्यांच्यावर गुन्हा दाखल करण्यात आला.
देवेंद्र तिमाप्पा मोगर (३७, रा. भटकळ कर्नाटक), संतोष कृष्णा दामोदलेकर (५५, रा. आमदाली, कर्नाटक), लोकेश महाबळेश्वर मोंगर (३१, रा. भटकळ, कर्नाटक), मोहन मंजुनाथ मोगर (३१, रा. भटकळ, कर्नाटक), विनोद मंजुनाथ मोगर (३५, रा. कर्नाटक, उत्तर कन्नडा), चिकाटी रामाराव (रा. आंध्रप्रदेश), वसंत चला मोगर (३८, रा. भटकळ, कर्नाटक) अशी अटक केलेल्या संशयितांची नावे आहेत.www.konkantoday.com
