पुण्याहून हर्णैत फिरण्यासाठी आलेल्या पर्यटकांच्या गाडीवर चोरट्यांचा डल्ला.
दापोली तालुक्यातील हर्णै येथे पर्यटनासाठी आलेल्या पुणे जिल्ह्यातील हवेली तालुक्यातील कोंडवा खुर्द येथील धनश्री वाडकर यांच्या मोबाईलसह सुमारे १३,२०० रुपयांचा ऐवज चोरट्याने लंपास केल्याची घटना बुधवारी सकाळी १०.३० च्या सुमारास घडली. चोरट्याने पर्यटकांच्या गाडीत खिडकीतून शिरून हा ऐवज लांबविला.दापोली पोलिसांच्या माहितीनुसार, धनश्री वाडकर या बुधवारी सकाळी मासे खरेदीसाठी हर्णै बंदरात आल्या होत्या. त्यांच्यासोबत त्यांचे नातेवाईकही होते.
हे सर्वजण पांढर्या रंगाच्या टेम्पो ट्रॅव्हलरमधून तेथे गेले होते. मासे खरेदी करण्यासाठी हर्णै बंदर येथे गाडी उभी करून सर्वजण मासे खरेदीला खाली उतरले होते. त्यावेळी चोरट्यान गाडीच्या खिडकीतून गाडीत प्रवेश करत गाडीत असणारा वाडकर यांचा सुमारे ८ हजार रुपये किंमतीचा काळ्या रंगाचा रेडमी कंपनीचा मोबाईल आणि ५,२०० रुपयांची रोख रक्कम लंपास केली.www.konkantoday.com
