जिल्हा परिषद माध्यमिक शिक्षण विभागाचे 52 वे रत्नागिरी जिल्हा विज्ञान प्रदर्शन उद्योगमंत्री उदय सामंत यांच्या अध्यक्षतेखाली गुरुवारी नाणीज येथे उद्घाटन
रत्नागिरी, दि. 8 :- जिल्हा परिषद माध्यमिक शिक्षण विभाग, नाणीज पंचक्रोशी शिक्षणोत्तेजक मंडळ नाणीज संचलित माध्यमिक विद्यामंदिर अँड ज्युनिअर कॉलेज नाणीज यांच्या संयुक्त विद्यमाने 52 वे रत्नागिरी जिल्हा विज्ञान प्रदर्शन 9 व 10 जानेवारी रोजी होत आहे. माध्यमिक विद्यामंदिर अँड ज्युनिअर कॉलेज नाणीज येथे गुरुवार 9 जानेवारी रोजी उद्योग, मराठी भाषा मंत्री उदय सामंत यांच्या अध्यक्षतेखाली आणि गृहराज्य मंत्री योगेश कदम यांच्या हस्ते सकाळी 11 वाजता उद्घाटन होणार आहे, अशी माहिती शिक्षणाधिकारी माध्यमिक सुवर्णा सावंत यांनी दिली.
गुरुवारी सकाळी ९ वाजता विज्ञान दिंडी, सकाळी ११ ते १ या वेळेत उद्घाटन समारंभ, दुपारी १ ते ५ प्रतिकृतींचे परिक्षण आणि प्रदर्शन सर्वांना पाहण्यासाठी खुले राहणार आहे. त्याचदरम्यान प्रश्नमंजुषा आणि विज्ञान प्रतिकृती कार्यशाळा होणार आहे. १० जानेवारी रोजी सकाळी ११ ते १ विज्ञान शिक्षकांसाठी उद्बोधन वर्ग आणि सायंकाळी ४ वाजता पारितोषिक वितरण समारंभ होणार आहे.
