मुंबई-गोवा महामार्गावरील पाली येथील कापडगाव येथे कंटेनर उलटून अपघात.
मुंबई-गोवा महामार्गावरील पाली येथील कापडगाव येथे कंटेनर उलटून अपघात झाला. अपघाताची ही घटना मंगळवार 11.45 वा. सुमारास घडली असून त्यात कंटेनर चालक किरकोळ जखमी झाला असून त्याच्यावर जिल्हा शासकिय रुग्णालयात उपचार सुरु आहेत.दिलीप कुमार (26,रा.उत्तरप्रदेश) असे कंटेनर चालकाचे नाव आहे.
मंगळवारी दुपारी तो आपल्या ताब्यातील कंटेनर (एमएच-03-सीव्ही-5092) घेउन भरधाव वेगाने जात होता. तो पाली येथील कापडगाव येथे आला असता त्याचा कंटेनरवरील ताबा सूटला आणि तो उलटून हा अपघात झाला.
