आपल्या मुलांना अधिकारी होण्याचे स्वप्न दाखवा, जिजाऊ सोबत असेल

आपल्या मुलींना अधिकारी होण्याचे स्वप्न दाखवा, जिजाऊ त्यासाठी सोबत असेल. ज्याप्रमाणे खासदार-आमदारांची मुलं मोठमोठ्या शाळेत जातात, त्या शाळेत तुमची-आची मुलं शिकण्याची जबाबदारी जिजाऊ उचलेल. तुम्ही फक्त तयारी दाखवा, असे जिजाऊ संघटनेचे अध्यक्ष नीलेश सांबरे यांनी सांगितले.संपूर्ण कोकणात शिक्षण आणि आरोग्य हे मोफत मिळाले पाहिजे. असा ध्यास घेतलेले जिजाऊ संस्थेचे सांबरे हे विशेष करून शिक्षण व आरोग्य या विषयात काम करत आहेत. गेली सुमारे १५ वर्षे सातत्याने त्यांचे हे काम अवितरत चालत आहे. आरोग्य, शिक्षण, रोजगार या माध्यमातून सर्वसामान्य घटकांनाही समाजाच्या मुख्य प्रवाहात घेवून येणे, हा खर्‍या अर्थाने विकास आहे. या कार्यत आम्हीही आपल्या सोबत राहू, असा शब्द कोकणवासियांनी दिल्यानंतर त्याच अनुषंगाने रत्नागिरी निर्धार मेळाव्याचे आयोजन करण्यात आले होते. यावेळी ते बोलत होते. शहरातील आठवडा बाजार येथील या मेळाव्याला जि.प.चे माजी अध्यक्ष उदय बने, राष्ट्रवादीचे प्रदेश उपाध्यक्ष कुमार शेट्ये, बविआचे नंदकुमार मोहिते, कुणबी  समाज नेते चंद्रकांत परवडी, ऍड. महेंद्र मांडवकर, कुणबी समाजोन्नतीचे तालुकाध्यक्ष रामचंद्र गराटे, ओबीसी समन्वय समितीचे रघुवीर शेलार, बावा साळवी, उद्योजक गणेश जोशी, साक्षी रावणंग आदी अनेक मान्यवर उपस्थित होते. www.konkantoday.com