राजापुरात गोवा बनावटीचा साडेतीन लाखांचा मद्यसाठा जप्त

गोवा बनावटीच्या मद्याचा बीमोड करण्याची मोहीम राज्य उत्पादन शुल्क भरारी पथकाने सुरू केली आहे. या मोहिमेचा प्रारंभ राजापूर तालुक्यातील नाटे येथील बांदकरवाडीतून झाला आहे.भरारी पथकाने शुक्रवारी रात्री टाकलेल्या छाप्यात या ठिकाणाहून 1 लाख 97 हजार रुपये किमतीचे गोवा बनावटीचे मद्य जप्त केले आहे. त्याचबरोबर बेकायदेशीररीत्या मद्य विक्री करणार्‍या ईश्वरसिंग रामचंद्र बांदकर (वय 46) याच्याविरुद्ध गुन्हा दाखल केला आहे.

दरम्यान, दुसर्‍या एका कारवाईत राजापुरातील हातिवले-जैतापूर मार्गावर गोवा मद्याची वाहतूक करणार्‍या कारमध्ये 1 लाख 58 हजार किमतीच्या मद्यासह 1 लाख 40 हजार रुपये किमतीची कारही जप्त केली. राज्य उत्पादन शुल्क अधीक्षक कीर्ती शेडगे यांनी रत्नागिरी जिल्हा भरारी पथकासह सर्व युनिटना कारवाई करण्याच्या सूचना केल्या आहेत, त्यानुसार भरारी पथकाचे निरीक्षक अमित पाडळकर पथकातील सहकारी दुय्यम निरीक्षक जी. सी. जाधव, एस. बी. यादव, जवान मानस पवार, वैभव सोनावले, व्ही. के. भोसले, एस. टिकार, एन. जे. तुपे यांनी कारवाईला प्रारंभ केला