चांदोर ग्रामपंचायत मार्फत आरोग्य उपकेंद्र, शाळा, महिला बचत गट यांना साहित्य वाटप…
रत्नागिरी तालुक्यातील चांदोर ग्रामपंचायत मार्फत १५ वा वित्त आयोग अंतर्गत गोताडवाडी साईकृपा बचत गटाला गटाचे आर्थिक उत्पन्न वाढवण्यासाठी घरघंटी देण्यात आली.
शाळांची शैक्षणिक व डिजिटल क्षेत्रात प्रगती सुधारण्यासाठी सॉफ्टवेअर सहित LCD TV शाळा चांदोर क्र.४ येथे देण्यात आली. तसेच आशा सेविका घरोघरी भेट देत असताना रुग्णांचे बीपी, शुगर, हिमोग्लोबीन तपासण्यासाठी मशीन व आरोग्य उपकेंद्रसाठी बेड, फिटोस्कोप, कपाट देण्यात आले.
या सर्व साहित्यांचे वितरण सरपंच सौ.पूनम मेस्त्री व उपसरपंच श्री सुर्यकांत तांबे, मा.उपसरपंच तथा विद्यमान सदस्य श्री उमेश गोताड, सदस्य श्री राजेंद्र बनकर, पूजा तोडणकर, विशाखा फुटक, ग्रामपंचायत अधिकारी श्री आनंद कुडाळकर, आरोग्य सेवक श्री निलेश गुळेकर, मुख्याध्यापक श्री राजीव आंबेकर सर, CRP सौ. नेहा तांबे यांच्या प्रमुख उपस्थितीत करण्यात आले.*
