भाट्ये येथे दुचाकी-कारचा अपघात

रत्नागिरी : भाट्ये येथील झरीविनायक मंदिराजवळील रस्त्यावर कारची दुचाकीला धडक बसून झालेल्या अपघातात आई आणि मुलगा जखमी झाले आहेत. ही घटना सोमवार 8 ऑगस्ट रोजी दुपारी 12.45 वा.सुमारास घडली.
श्रेया लिंगायत (वय 35) आणि सोहम लिंगायत (वय 14, दोन्ही रा. फणसोप, रत्नागिरी) अशी अपघातातील जखमींची नावे आहेत. याबाबत शहर पोलिस ठाण्यात अपघाताची नोंद करण्यात आलेली आहे. त्यानुसार, सोमवारी दुपारी श्रेया लिंगायत दुचाकीवरुन मुलाला सोबत घेऊन रत्नागिरी ते फणसोप अशा जात होत्या. त्याच सुमारास रत्नागिरीकडे येणार्‍या (एमएच-08-एएन-9384) या कारची त्यांच्या दुचाकीला धडक बसून हा अपघात झाला. याप्रकरणी अधिक तपास शहर पोलिस करत आहेत.