विकसित भारत यंग लीडर्स डायलॉग चर्चासत्रात सहभागी होण्याचे आवाहन.

रत्नागिरी, दि. २८ :- भारत सरकारने विकसित भारत युवा नेते संवाद राष्ट्रीय युवा महोत्सव 2025 आयोजित करण्याचा निर्णय घेतला आहे. यामध्ये देशभरातून निवडलेले तीन हजार तरुण-तरुणी 12 व 13 जानेवारी 2025 रोजी नवी दिल्ली येथे पंतप्रधानांसमोर विकसित भारताचे व्हिजन मांडतील आणि सादर करतील.

चर्चासत्र काळात तरुणांना देश-विदेशातील तरुण आयकॉन्सशी चर्चा करण्याच्या आणि शिकण्याच्या अनेक संधी मिळणार आहेत. जिल्ह्यातील तरुणांनी राष्ट्रीय युवा महोत्सव २०२५ – विकसित भारत यंग लीडर्स डायलॉगमध्ये जास्तीत जास्त संख्येने सहभागी व्हावे, असे आवाहन जिल्हा युवा अधिकारी मोहित कुमार सैनी यांनी केले आहे.

या कार्यक्रमाचा उद्देश देशभरातील तरुण नेतृत्व प्रतिभेचा शोध घेणे आणि त्यांचे संगोपन करणे. विकसित भारताची त्यांची दृष्टी स्पष्ट करण्यासाठी तरुणांना एक प्रभावी व्यासपीठ उपलब्ध करून देणे. सर्वोच्च निर्णय घेणारे आणि प्रसिद्ध जागतिक आणि राष्ट्रीय व्यक्तिमत्त्वांशी जोडणे आणि विकसित भारताचे नेतृत्व करण्यासाठी तरुणांना सक्षम करणे हा आहे.

विकसित भारत यंग लीडर्स चर्चासत्राच्या माध्यमातून या तरुणांची ४ टप्प्यांत निवड केली जाणार आहे. पहिल्या टप्प्यात, विकास भारत प्रश्नमंजुषा ऑनलाइन पद्धतीने आयोजित केली जाईल, ज्यामध्ये 15 ते 29 वर्षे वयोगटातील युवक MYBharat.gov.in पोर्टलवर नोंदणी करून भाग घेऊ शकतात. पहिल्या टप्प्यात निवडलेले तरुण दुसऱ्या टप्प्यातील विकास भारत ब्लॉग/निबंध स्पर्धेत सहभागी होतील. या टप्प्यातील निवडक युवक तिसऱ्या टप्प्यातील विकसित भारत राष्ट्रीय पिच डेक-स्टेट चॅम्पियनशिपमध्ये सहभागी होतील आणि तिसऱ्या टप्प्यातील विजेते अंतिम टप्प्यातील विकसित भारत राष्ट्रीय चॅम्पियनशिपमध्ये सहभागी होतील. पहिला टप्पा 25 नोव्हेंबर ते 5 डिसेंबर 2024 या कालावधीत भारत सरकारच्या mygov पोर्टलवर आयोजित केला जाईल.

या राष्ट्रीय कार्यक्रमात सहभागी होण्यासाठी वरील चार टप्पे पूर्ण करणे अनिवार्य आहे. अधिक माहितीसाठी नेहरू युवा केंद्र रत्नागिरी, संकेश्वर नगर, ई विंग बिल्डिंग समोर, गांधी कपांउन्ड,आरोग्य मंदिर 415612 फोन क्र. संपर्क 02352-295804 किंवा इमेल आयडी qnykratnagiri@gmail.com यांच्याशी संपर्क साधावा.