रमेश भाटकर स्मृती उत्सवी नाटकांच्या स्पर्धेचे उदघाटन
रमेश भाटकर स्मृती उत्सवी नाटकांच्या स्पर्धेचे उदघाटन गोळप येथील श्री देव हरिहरेश्वर देवस्थानच्या मंचावर झाले.याप्र्रसंगी स्पर्धेचे आयोजन असणार्या अखिल भारतीय मराठी नाट्य परिषद शाखा रत्नागिरीचे कार्याध्यक्ष समीर इंदुलकर, सनातन रेडीज, संतोष सनगरे, सुधाकर बेहेरे, दादा कदम, विजय पोकळे, सचिन काळे, दीपक माणगांवकर, ऍड. रजनी सरदेसाई. सौ. पूर्णिमा साठे, अविनाश काळे, मनोहर जोशी, प्रदीप तेंडुलकर, नाटककार अमेय धोपटकर उपस्थित होते. उदघाटनाचा प्रयोग सादरकर्त्या संस्थेचे म्हणजे श्री देव हरिहरेश्वर उत्सव मंडळाचे महेश जोशी, सर्व कार्यकारिणी सदस्य उपस्थित होते.
नाटकाच्या लेखिका दिग्दर्शिका सौ. प्रज्ञा जोशी रायकर, दोन्ही मान्यवर परीक्षक, श्रीकांत पाटील, सौ. अनुया बाम देखील मंचावर उपस्थित होते. स्पर्धेचे उदघाटन कार्याध्यक्ष समीर इंदुलकर यांच्या हस्ते श्रीफळ वाढवून करण्यात आले. सहकार्यवाह अमेय धोपटकर यांनी स्पर्धेचे उद्दिष्ट, हेतू, उत्सव प्रास्ताविकातून मांडले. सर्व मान्यवरांनी नाट्य प्रयोगासाठी शुभेच्छा दिल्या. नाट्य परिषदेच्यावतीने सौ. अनुया बाम यांनी नाटककार सौ. प्रज्ञा रायकर जोशी यांचे नवे कोरे नाटक उत्सवासाठी लिहिल्याबद्दल गुलाबपुष्प देवून कौतूक केले. www.konkantoday.com
