आपल्या गायकीने प्रेक्षकांना मंत्रमुग्ध करणारे मुकुंद फणसळकर यांचं निधन.
मराठी इंडस्ट्रीतून एक दु:खद माहिती समोर येत आहे. मराठीतील प्रसिद्ध गायकाचं निधन झालं आहे. नक्षत्रांचे देणे या कार्यक्रमातून तो नावारुपाला आला होता. आपल्या गायकीने प्रेक्षकांना मंत्रमुग्ध करणारे मुकुंद फणसळकर यांचं निधन झालं आहे.गायक आणि संगीतकार सलील कुलकर्णी यांनी मुकुंद यांच्या निधनाची माहिती दिली आहे. मित्राच्या जाण्याने सलील यांनी दु:ख व्यक्त केलं आहे.सलील कुलकर्णी यांनी मुकुंद यांच्या निधनाची माहिती देत सोशल मीडियावर पोस्ट शेअर केली आहे.
या पोस्टमध्ये ते भावुक झाले आहेत. त्यांनी मुकुंद यांचा फोटो शेअर करत लिहिलंय, “मुकुंद फणसळकर गेला. अतिशय आवडता गायक. एकेक शब्द असा गायचा की कवीला सुद्धा नव्याने अर्थ उलगडावा.आम्ही शाळा कॉलेज मध्ये असताना ज्यांनी गायनाने. बोलण्याने भारावून टाकलं होतं.त्यातलं एक महत्त्वाचं नाव. खूप खूप वाईट वाटलं. प्रीतरंग , साजणवेळा, नॉस्टॅस्जिया सगळ्या मैफिली डोळ्यासमोर आल्या. एका गुणी आणि संवेदनशील माणसाला भावपूर्ण श्रद्धांजली.”
