चिपळूण कराड मार्गावरी कुंभार्ली घाटात कार दरीत कोसळली, अकलूजचे नायब तहसीलदार गंभीर जखमी
चिपळूण कराड मार्गावरील कुंभार्ली घाटात कार दरीत कोसळून अपघात झाला असून यामध्ये अकलूजचे नायब तहसीलदार गंभीर जखमी झाले आहेत
अकलूजचे नायब तहसीलदार रवीकिरण कदम यांच्या कारला भीषण अपघात झाला आहे. कार खोल दरीत कोसळून हा अपघात झाला आहे. या अपघतात रवीकिरण कदम हे गंभीर जखमी झाले असून त्याच्यावर रुग्णालयात उपचार सुरू आहेत.
चिपळूण-कराड मार्गावरील कुंभार्ली घाटात हा अपघात झाला.रवीकिरण कदम हे त्यांच्या खासगी कारने सोमवारी चिपळूण-कराड मार्गावरील कुंभार्ली घाटमार्गे चिपळूणच्या दिशेने येत होते. घाटातील एका अवघड वळणावर आले असताना त्यांची कार थेट खोल दरीत कोसळली. घटनेची माहिती मिळतात पोलीस घटनास्थळी दाखल झाले आणि मदतकार्य सुरु केले. दोरी टाकून पोलीस दरीत उतरले.रवीकिरण कदम यांच्यापर्यंत पोलीस पोहोचले. यावेळी कारमध्ये कदम गंभीर जखमी अवस्थेत आढळून आले. त्यांना बाहेर काढून कराड येथे उपचारासाठी नेण्यात आले. यावेळी सामाजिक कार्यकर्ते अनंत साळवी, अन्य ग्रामस्थांनी पोलिसांनी मदत केली.
