ठाण्यामध्ये ठाकरे स्टेजवर असताना स्टेज खचला.
विधानसभा निवडणुकीसाठी प्रचाराच्या तोफ धडाडत आहे. ठाण्यामध्ये ठाकरे गटाचे पक्षप्रमुख उद्धव ठाकरे यांची सभा पार पडली. पण यासभेत उद्धव ठाकरे स्टेजवर असताना स्टेज खचला.भाषण संपताच कार्यकर्ते स्टेजवर आल्याने स्टेज खचला. उद्धव ठाकरे यांना सुरक्षा रक्षकांनी सांभाळून स्टेज खाली उतरवलं आहे. तर स्टेजवरील एक भाग खाली खचला आहे. तात्काळ तिथल्या खुर्च्या बाजूला केल्या गेल्या. सुदैवाने कोणालाही दुखापत झाली नाही.
ठाण्यामध्ये आज उद्धव ठाकरे यांची विराट अशी सभा पार पडली. राजन विचारे यांच्या मतदारसंघामध्ये सभा संपन्न झाली. यासभेत उद्धव ठाकरे यांनी भाजप आणि शिंदे गटावर जोरदार प्रहार केला. पण, जेव्हा संपली तेव्हा ते स्टेजच्या खाली उतरत होते. त्यावेळी कार्यकर्त्यांनी स्टेजचा ताबा घेतला. त्यामुळे स्टेजचा एक भाग खचला. त्यावेळी उद्धव ठाकरे यांच्या सुरक्षारक्षकांनी त्यांना तातडीने खाली उतरवलं. त्यांना कोणतीही दुखापत झाली नाही. स्टेजचा मधला मोठा भाग पूर्ण खचला आहे. उमेदवार राजन विचारे देखील सुदैवाने वाचले आहे. राजन विचारे यांना पदाधिकाऱ्यांनी हात देवून खचलेल्या भागात पडताना बाहेर काढले. या दुर्घटनेत कुणालाही दुखापत झाली नाही.
