आदित्य ठाकरे आज माणगाव, देवगडमध्ये.

शिवसेना उबाठा पक्ष आणि महाविकास आघाडीचे उमेदवार वैभव विजय नाईक यांच्या प्रचारार्थ शिवसेना नेते, युवासेनाप्रमुख आदित्य ठाकरे रविवार 17 नोव्हेंबर रोजी सिंधुदुर्ग दौर्‍यावर येत आहेत.

सायंकाळी 6 वा. कुडाळ तालुक्यातील माणगाव बाजारपेठ येथे त्यांची जाहीर प्रचार सभा होणार आहे. तर कणकवली विधानसभा मतदारसंघाचे शिवसेना महाविकास आघाडीचे उमेदवार संदेश पारकर यांच्या प्रचारार्थ त्यांची रविवार 17 नोव्हेंबर रोजी सायंकाळी 4 वा. देवगड कॉलेजनाका येथे सारस्वत बँकेसमोरील पटांगणावर जाहीर प्रचारसभा आयोजित करण्यात आली आहे.या सभेसाठी महाविकास आघाडीचे सर्व पदाधिकारी, कार्यकर्ते व नागरिकांनी मोठ्या संख्येने उपस्थित रहावे, असे आवाहन शिवसेना जिल्हाप्रमुख संजय पडते, युवा सेना जिल्हाप्रमुख सुशांत नाईक यांनी केले आहे.