मतदान यंत्रे पोहोचवण्यासाठी व केंद्रावर नेण्यासाठी धावणार २६० एसटी

विधानसभा निवडणुकीसाठी निवडणूक आयोगाने मतदान केंद्रांवर मतदान यंत्रे पोहोचवण्यासाठी आणि मतदानानंतर मतमोजणी केंद्रांवर ते परत नेण्यासाठी राज्यभरात ८,९८७ एसटी गाड्यांची मागणी केली होती. त्यानुसार जिल्ह्यासाठीही राज्य परिवहन महामंडळाने २६० एसटी उपलब्ध करून देण्याची व्यवस्था ठेवली आहे. त्यामुळे निवडणूक काळात पोलीस यंत्रणेला पुरेसा वाहतूक आधार मिळेल.या गाड्या १९ व २० नोव्हेंबर रोजी प्रासंगिक करारावर देण्यात येणार आहेत. या कालावधीत निवडणूक साहित्य व मतदान यंत्रांची वाहतूक करण्याचे महत्वपूर्ण काम या बसद्वारे केले जाणार आहे. याशिवाय २४५ अतिरिक्त बस पोलीस प्रासनासाठीही उपलब्ध करून देण्यात येणार आहेत. एसटीकडे सध्या स्वतःच्या एकूण १३,३६७ बस आहेत. त्यापैकी ९,२३२ बस राज्यातील विविध ३१ विभागातून निवडणुकीच्या कामासाठी तैनात केल्या जातील. मुंबईसह संपूर्ण राज्यात यासाठी व्यवस्थापन केले जाणार आहे.प्रशासनाच्या माहितीनुसार बसची मागणी ठराविक कालावधीसाठी आहे. त्यामुळे या प्रासंगिक कराराचा नियमित प्रवासी वाहतुकीवर परिणाम होणार नाही. त्यामुळे रोजच्या प्रवाशांना कोणत्याही अडचणींचा सामना करावा लागणार नाही.www.konkantoday.com