खेड:- बिबट्याच्या हल्ल्यात गायीचा मृत्यू
खेड तालुक्यातील आवाशी मधलीवाडी येथील शेतकर्‍याच्या जर्सी गायीचा बिबट्याने फडशा पाडला. या घटनेत शेतकर्‍याचे हजारो रुपयांचे नुकसान झाले आहे. ही घटना बुधवार, 13 नोव्हेंबर रोजी दुपारच्या सुमारास घडली.घटनेमुळे आवाशी परिसरात ग्रामस्थांमध्ये बिबट्याची दहशत पसरली आहे.खेड तालुक्यातील आवाशी मधलीवाडीमधील शेतकरी हरिश्चंद्र राऊत यांची जर्सी गाय बिबट्याने हल्ला करून मारली.स्थानिक ग्रामस्थांच्या म्हणण्यानुसार मानवी वस्तीच्या शेजारी बिबट्याचा वावर वाढला आहे. यामुळे पाळीव प्राणी आणि मानवी जीवितास धोका निर्माण झाला आहे.
