ते अजिबात निवडून येण्याची शक्यता नाही-काँग्रेसचे नेते पृथ्वीराज चव्हाण.
विधानसभा निवडणुकीच्या प्रचाराचा ज्वर वाढलेला असतानाच माजी मुख्यमंत्री आणि काँग्रेसचे नेते पृथ्वीराज चव्हाण यांनी जागावाटपाबद्दल एक मोठं विधान केलं आहे.मित्रपक्षाने आपला आकडा वाढवण्याच्या नादात जे उमेदवार दिले आहेत, ते अजिबात निवडून येण्याची शक्यता नाही, असे पृथ्वारीज चव्हाण म्हणाले.एका मुलाखतीत बोलताना पृथ्वीराज चव्हाण यांनी महाविकास आघाडीच्या जागावाटपाबद्दल भाष्य केलं.
जिथे काँग्रेसचा दावा होता, तिथे मित्रपक्षाने अगदीच चुकीचे उमेदवार दिले आहेत. आणि आपला एकूण आकडा वाढवण्याच्या नादामध्ये… त्या उमेदवारांची अजिबात निवडून येण्याची शक्यता नाही, असे ते उमेदवार पुढे आले आहेत. कुठल्या पक्षाचे त्याबद्दल मी बोलणार नाही”, असे पृथ्वीराज चव्हाण म्हणाले.पृथ्वीराज चव्हाण म्हणाले, “त्या ठिकाणी काँग्रेसचे उमेदवार बंडखोर झालेले आहेत का? झाले आहेत. दोन-तीन उदाहरण माझ्या डोळ्यासमोर आहेत, जिथे काँग्रेसचा बंडखोर उमेदवार सहज निवडून येईल. पण, आता पुढे काय होईल माहिती नाही.
